منتدى الدين و الحياة


منتدى اسلامى للنساء فقط
 
الرئيسيةاليوميةس .و .جبحـثالأعضاءالمجموعاتالتسجيلدخولتسجيل دخول الاعضاء

شاطر
 

 ليه فتحنا قسم لتربية الأبناء ؟! وليه عايزينك تشاركينا؟

اذهب الى الأسفل 
كاتب الموضوعرسالة
حياتى كلها لله
مديرة المنتدى
حياتى كلها لله

عدد المساهمات : 565
تاريخ التسجيل : 05/04/2011

ليه فتحنا قسم لتربية الأبناء ؟! وليه عايزينك تشاركينا؟ Empty
مُساهمةموضوع: ليه فتحنا قسم لتربية الأبناء ؟! وليه عايزينك تشاركينا؟   ليه فتحنا قسم لتربية الأبناء ؟! وليه عايزينك تشاركينا؟ Emptyالإثنين مايو 09, 2011 10:50 pm

السلام عليكن ورحمة الله وبركاته

ممكن تكون أخت منا تلقت خبر إفتتاح قسم (طفل مش عادي) المهتم بتربية الأبناء

بـقول: وأنا مالي ومال تربية الأبناء!! مش لما أتزوج!!

ونحن هنا بين فتاة في سن الزواج أو مخطوبة ومقبلة على الزواج أو أم بالفعل

ووظيفة الأم وظيفة خطيرة جداً وده مش كلام إنشا
المرأة هيه إلى بتأثر وبتشكل شخصية الرجل والمرأة بردوا!


تخيلي كده إن لو ابن الحلال جيه دلوقتي وتبصي بعد كام شهر تلاقي نفسك فجأة حامل وهتبقى ام

عارفة يعني إيه أم؟!!

يعني هتشكلي جزء من مستقبل الأمة
يعني هيبقى في إيدك تشكلي شخصيات ناس! هيبقى أمانة في إيدك يا إما تضيعيها وتعيشي في تعاسه يا إما تكوني أم ناجحة

عارفة إن تربية الأولاد فـــــــــرض !

واجب لو مقمتيش بيه أثمـــــــه

وعلماء التربية بيقولو لحد سن المراهقة إنتي دورك في التربية بنسبة 75% !!

تخيلي إن هيبقى في رقبتك ناس يوم القيامة إنتي مسئولة عنهم من جهتك مسئولية كاملة ولا زم تقومي بدورك بنسبة 100%

طيب قوليلي بقى لو ابن الحلال جيه وفي ظرف كام شهر تحولتي من مسئولة من أهلك لمسئولة عن ولادك

عندك إيه تقدميه لولادك؟!
إنتي فاهمه أصلا يعني إيه تربية أولاد؟
قرأتي كام كتاب وسمعتي كام محاضرة عن تربية الأولاد؟!

أنا كل ما اقرأ في تربية
الأولاد كل ما يحصل عندي يقين إنك لو عرفتي المفتاح وفهمتي واتعلمتي إزاي
تربي هتبقى المسألة بإذن الله وتوفيقه تعالى قبل كل شيء سهلة جداً


في حين إنك لو مثلاً متفهمتيش عند إبنك وهوه عنده سنتين وعاملتيه بعقاب خطأ هتجني مرار كده خلل في شخصيته طول عمره وعمرك!

المسألة بجد يابنات خطيرة

مش عايزين لما يفوت
الفوت نقول ياريت نلاقي حد ياخد بإيد ولادنا ! والله سمعتها من أم أبنها
عنده حوالي 18 سنة وبرغم إنها حافظة للقرآن إلا إنها معرفتش تحتويه وتربية
صح وبتدور دلوقتي على حد يربيه لها!!


دلوقتي الضياع بقى سهل أوي فلازم تأثيرك في البيت يبقى أكـــــــبــــــر من تأثير المجتمع ككــــل

والتربية مش صح وغلط وعيب

التربية إحتواء
التربية نفسية وإجتماعية وعبادية وأخلاقية
كل حاجة في دول حاجة منفصلة

وبجد والله علم ممتع جــــــــــــــــــــــــداً
والنجاح فيه متعة رهيبة بالذات بقى لو عندك أخوات صغيرين أو ولاد أخواتك تعمليهم حقل تجارب Smile

فبجد أرجو إنكم متحذلونيش ونبقى عون لبعض بإذن الله
وهحاول أختار موضوعات قصيرة ومفيدة بس ياريت تعينوني ويبقى في تواصل ونقاش

وأذكر كلمة لأحد الدعاة :أوصي كل فتاة إنها لا تترك أي شيء عن تربية الأبناء إلا وتقرأه وتسجل إلى يفيدها منه وتجرب في إلى حواليها

و[size=25]افتكري إنك ممكن في فترة قصيرة جدا تتحولي لأم ويبقى ولادك

طريقك للجنة
أو
طريقك للنار والعياذ بالله

وأنتِ الأمة بأسرها
فأنتِ نصف الأمة
وتلدين النصف الأخر
[/size]

________ توقيعى فى المنتدى _________
ليه فتحنا قسم لتربية الأبناء ؟! وليه عايزينك تشاركينا؟ Hh7.net_13063839101



نصيحة قد تفيك....

خلــي ســرك بيــن اثنيــن {نفســك وربــك} ..

وخلــي إيمــانــك قــوي بــإثنين {ربــك ونبيــك} ..

واحــرص فــي دنيــاك علــى رضــى إثنيــن { أمــك وأبــوك} ..

واستعــن علــى الشــدائد بــاثنيــن {الصبــر والصــلاة} ..

ولا تخــف مــن إثنيــن {الــرزق والمــوت} لأنهمــــا بيــــــد الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://basma2011.forumegypt.net
قطرات الندى
عضوة نشيطة


عدد المساهمات : 267
تاريخ التسجيل : 09/05/2011
العمر : 20

ليه فتحنا قسم لتربية الأبناء ؟! وليه عايزينك تشاركينا؟ Empty
مُساهمةموضوع: رد: ليه فتحنا قسم لتربية الأبناء ؟! وليه عايزينك تشاركينا؟   ليه فتحنا قسم لتربية الأبناء ؟! وليه عايزينك تشاركينا؟ Emptyالثلاثاء مايو 10, 2011 10:50 am

علــــــــــــــــــــــــــــــــــــــــــــــــــم
مشكورة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليه فتحنا قسم لتربية الأبناء ؟! وليه عايزينك تشاركينا؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الدين و الحياة :: القسم الاسلامى العام :: قسم فن تربية الأبناء-
انتقل الى: