♦ عملت كل الذنوووووب ♦ ينفع أتوب ؟♦

[b][b]

من سلسلة :: وقــفــة مــع قــصــة ::.

ازيكم يا أحلى شباب .. شباب أحلى حياة ..
أسأل الله أن يرزقني وإياكم أحلى حياة في الدنيا والآخرة .

اتكلمنا قبل كده عن
الشاب اللي كان بيستأذن رسول الله في الزنا وشوفنا حبيبنا صلى الله عليه وسلم اتعامل معاه ازاي ودي القصه
القصة الأولى .. يارسول الله ائذن لي في الزنا !!

واتكلمنا
عن قاتل المائة نفس وشوفنا لما تاب ربنا عامله ازاي وملائكة الرحمة اللي
قبضت روحه على الرغم من إنه معملش ولا حسنه تكتب له غير حسنة واحده ..
ودي قصته
عــاوز أتـــوووووب !!! من سلسلة وقفة مع قصة ..

هنتكلم
انهارده عن راجل كبير عجوز في السن .. من كبر سنه حواجبه نزلت على عنيه
وشاب شعر رأسه وانحنى ظهره ... وعلى الرغم من ده كله جه وعاوز يتوب !!
بيسعى للتطهير .. خايف من يوم القيامه .. خايف من نار جهنم ..
::مين يقدر عليها !!::

نقرأ القصه وبعدين ندردش حواليها شويه ...

يقول الحديث ..
أرأيت من عمل الذنوب كلها ولم يترك منها شيئا وهو
في ذلك لم يترك حاجة ولا داجة إلا أتاها ، فهل لذلك من توبة ؟ قال : فهل
أسلمت ؟ قال : أما أنا فأشهد أن لا إله إلا الله ، وأنك رسول الله قال :
تفعل الخيرات ، وتترك السيئات ، فيجعلهن الله لك خيرات كلهن قال وغدراتي
وفجراتي ؟ قال : نعم قال : الله أكبر ، فما زال يكبر حتى توارى . الراوي: شطب الممدود أبو الطويل المحدث: الألباني - المصدر: صحيح الترغيب - الصفحة أو الرقم: 3164
خلاصة حكم المحدث: صحيح

في رواية أخرى ذكر فيها إن ده رجل طاعن في السن .. كبير جدا ..
[b][b][b][size=25][b][b][b]

[/b][/b][/b][/b][/b][/b]نستفيد إيه من الحديث ومن القصة العظيمة دي ..

1- شوف الرجال بدأ كلامه بحالنا كلناااااا ( أرأيت من عمل الذنوب كلها ولم يترك منها شيئا )
والنبي صلى الله عليه وسلم بعث برساله لينا كلنا
فهل لذلك من توبة ؟ قال : فهل أسلمت ؟
دي رساله لينا كلنا ..
إن طول ما انت تحت مظلة الإسلام فأنت في أمان مادمت على درب التوابين ..
يعني طول ما انت مسلم .. تنفذ أوامر ربنا وتتجنب النواهي .. لكن أحيانا
بتعمل ذنوب وطبعا كلنا عارفين إن كل بني آدم خطاء وخير الخطائين التوابون
.. طول ما انت بتذنب وبسرعة تتوب .. وتعترف بذنبك وتندم من قلبك وتبكي
بحرقة وتسعى لإصلاح حالك فأنت في أمان ... مهما فعلت من صغائر وكبائر
ومهلكات ..
يبقى اوعى تبطل تتوب .. اوعى !!
[b][b][b][b][b][b]

[/b][/b][/b][/b][/b][/b]2- مش
معنى الحديث إن أنا أتمادى في الذنوب . .. أو إن أنا أعيشها بالطول
والعرض وأقول بكره أكبر وأعد في الجامع وأقرأ قرآن وأحج وأعمل عمرة ربنا
يسامحني على ده كله ..
لا غلطان وستين غلطان ..
اقرأ الآية دي .. وبالله حاول تعيشها بقلبك ..

أَفَأَمِنَ
أَهْلُ الْقُرَىٰ أَن يَأْتِيَهُم بَأْسُنَا بَيَاتًا وَهُمْ نَائِمُونَ
﴿٩٧﴾ أَوَأَمِنَ أَهْلُ الْقُرَىٰ أَن يَأْتِيَهُم بَأْسُنَا ضُحًى
وَهُمْ يَلْعَبُونَ ﴿٩٨﴾أَفَأَمِنُوا مَكْرَ اللَّـهِ ۚ فَلَا يَأْمَنُ مَكْرَ اللَّـهِ إِلَّا الْقَوْمُ الْخَاسِرُونَ ﴿٩٩﴾ أَوَلَمْ يَهْدِ لِلَّذِينَ يَرِثُونَ الْأَرْضَ مِن بَعْدِ أَهْلِهَا أَن لَّوْ نَشَاءُ أَصَبْنَاهُم بِذُنُوبِهِمْ ۚ وَنَطْبَعُ عَلَىٰ قُلُوبِهِمْ فَهُمْ لَا يَسْمَعُونَ ﴿١٠٠﴾
الأعراف
ركز عاللي باللون الأحمر تاني .. عيش مع كلام ربنا هو شفاء قلبك ..

الموت وعذاب ربنا ممكن ينزل عليك وانت نايم .. أو وانت بتلعب .. أو وانت
بتعصي .. أفأمنوا مكر الله .. اللي بيمكر السيئات وبيعملها في السر والعلن
.. وبيدبر إزاي يزني .. وازاي يخلي الجو فاضي عشان يخلى بالنت والمواقع
الإباحية .. ده لا يامن على نفسه من مكر الله .. وخليك فاكر دايما إن بُكره
الفضايح هتبقى بجلاجل

..
[b][b][b][b][b][b]

[/b][/b][/b][/b][/b][/b]3- يقول ابن القيم عليه رحمات الله في كتابه مدارج السالكين ( ومنزل التوبة هو أول المنازل وأوسطها وآخرها ولا يفارقه العبد السالك ولا يزال فيه إلى الممات ) ..
[b][b][b][b][b][b]

[/b][/b][/b][/b][/b][/b]معنى
الكلام ده إن الواحد وهو في طريقه إلى الله لازم يبدأ الطريق ده بالتوبة
.. يسيب الذنوب عشان يقدر يسلك طريق الجنة .. وهو في الطريق لازم يجدد
التوبة .. لأن مفيش حد معصوم إلا خير البشر صلى الله عليه وسلم ..
التوبة هي الوقود والبنزين اللي بيها قافلة الفالحين والناجحين تسير .. وفي
آخر المطاف لابد من تجديد التوبة لإنك مهما فعلت حسنات وخيرات انت مقصر
.. ولم توف حق الله عليك .. ولم توف شكر نعمة واحده من نعم الله عليك ..
[b][b][b][b][b][b]

[/b][/b][/b][/b][/b][/b]4-
عمرك ما هتتوب مالذنوب إلا لو عرفت حقيقة النفس وحقارتها .. عمرك ما
هتتوب إلا لو عرفت قدر الله جل وعلا وعظمته .. عمرك ما هتتوب إلا لما
تتعرف على أسماء الله وصفاته .. عمرك ما هتتوب إلا لما تتعلم العلم اللي
يزودك بالخوف من الله عزوجل والرجاء فيما عنده ..
كما يقول ابن القيم إن الواحد ممنا كالطائر يطير بجناحي الخوف والرجاء .. مينفعش واحد بس ..
متدنكش تقول الله غفور رحيم .. ورحمتي وسعت كل شيء .. متقصش الكلام .. كمل
قول إن بطش ربك لشديد .. قول إن أخذه أليم شديد .. قول إذا أخذه لم يفلته ..

متنساش أبدا حجمك ..
لأول مرة وحصريا فيديو (اعرف حجمك) مترجم للإنجليزية ::: Ur Size ::: ‏
[b][b][b][b][b][b]

[/b][/b][/b][/b][/b][/b]5- النصيحة النبوية لمن أرد جنة رب البرية ..

نصيحة الحبيب لكل مسلم .. عاوز الجنة .. وعاوز رحمة ربنا تناله وتكتب له .. النصيحة الجامعة للدين كله
قال : تفعل الخيرات ، وتترك السيئات ، فيجعلهن
الله لك خيرات كلهن قال وغدراتي وفجراتي ؟ قال : نعم قال : الله أكبر ،
فما زال يكبر حتى توارى

يبقى لازم تسيب السيئات وتزود الحسنات وبعد كده تطمع في عفو الله جل وعلا
.. بلاش تبقى أعور بتشوف بعين واحده .. عين الرجاء .. نظف النضاره بتاعتك
وبص بالعين التانيه .. عين الخوف من أليم العقاب ..
[b][b][b][b][b][b]

[/b][/b][/b][/b][/b][/b]رسالتي في الآخر ..
اوعى تبطل تتوب مهما عملت ذنوب ..
ومتبقاش أعور !!!!
[b][b][b][b][b][b][/b][/b][/b][/b][/b][/b]
لو حبيت الاستزاده .. اقرأ المواضيع الرائعة بصدق دي ..
كل ما تيجي تتوب , بترجع لنفس الذنوب ؟؟

هو انا ممكن اتغير بين يوم وليله؟؟؟؟ انت اكيد بتهرج..!!!!

:: فرمت قلبك ..Format Ur Heart :: ‏

خلي بالك من الإشارات !! خلي بالك إنذاار ::: خلي بالك مسدود

صدقنـي أنا عـارف

أهي مرة و هتعـــــــــدي !!
نفسى أتوب لكن إزاى
[b][b][b][b][b][b][/b][/b][/b][/b][/b][/b]
أنا طولت عليكم معلش ..
متنسونيش من صالح الدعاء ..

اللهم ارزقنا توبة ترضيك عنا ..

أستودعكم الله .. والسلام عليكم ورحمة الله وبركاته ..
منقووووووووول
[/size][/b][/b]