* تزيين الاطباق باشكال سهله.. من ارض الواقع اللي هو مطبخي

[b][i][size=25]انا مؤمنه جدا بمبدا ان العين بتاكل قبل الفم
وكل ماكان الاكل شكله حلو بيفتح النفس
وكمان بيشرف قدام الضيوف وبيخليهم مبسوطين قوي من قبل مايمدوا ايدهم حتي علي الاكل

انهارده هاعلمكو ازاي بخطوات بسيطه نقدر نزين اطباقنا كلها زي الشيفات واحسن

انا جيباه صور واقعيه من مطبخي مع شرح مفصل لكل طريقه
يا رب تعجبكو

اولا اشكال الخيار

1-الحلزونه يامما الحلزونه

في مجموعه بتتباع للتزيين لو قدرتوا تجيبوها ياريت لو مش موجوده ممكن نتصرف وهاقوللكو ايه البديل

الاداه دي بتعمل الخيار زي الحلزون..... الواحد يقدر يلاعبهم ويدخل جوووووووووووون ههههههه
ودي طبعا شكلها جميل جدا في التزيين

والبديل طريقه حلوه شفتها هنا في المنتدي بس انا مش باعملها علشان عندي الادوات
هانجيب واحده من الاسياخ بتاعه الشيش طاووق وندخلها للاخر في نص الخيارايه
ونمشي بالسكينه كاننا بنقطع حلقات بس بميل شويه كاننا بنلف حواليها
ونحاول نظبط سمك الحلقات اللي بنعملها علشان الحلزون يطلع مظبوط

2-وردات المحور

نعمل خط بالطول مايل شويه وجنبه علي طول خط تاني مايل العكس بحيث اننا نقدر نشيله ونعمل زي اخدود
ماحدش يقوللي ايه اخدود لاني مش عارفه اشرحها اساسا
وبعدين نقطع حلقات هاتبقي عامله زي علامه المحور كده ههههههههههههه

3-ورده مجسمه من الخيار

نقطع حلقه بس مانوصلش للاخ ونقطع حلقه تانيه بس للاخر
هانلاقي حلقتين متصلين ببعض نحاول نفتحهم شويه بس من غير مايتقطعوا مننا

نعمل كمان واحده
نحاول ندخل الحلقتين الاولنيين في الحلقتين التانيين
هايبقوا ورده بالشكل ده

عند التزيين نحط شويه جزر مبشور وفوقهم ورده من وردات الخيار وفوقها زتونه سودا او طماطمايه شيري او زتونه خضرا

وده شكل السيرفيس وهو متجرنش

4- حلقتين متصلين ببعض نفتحهم ونحطهم داير السرفيس زي الخيمه

يتبببببببببببببببببببببببع
منقوووول
[/size][/i][/b]

ثانيا اشكال الجزر

بجد الجزر من الحاجات الجميله جدا في التزيين ماقدرش استغني عنه
لانه بيدي لون جميل واشكال كتير ومتنوعه

1- شكل الاخدود برضه
نعمل خطوط بالطول زي كده

* تزيين الاطباق باشكال سهله.. من ارض الواقع اللي هو مطبخي 1284400416

ونقطع حلقات هاتطلع بالشكل ده

* تزيين الاطباق باشكال سهله.. من ارض الواقع اللي هو مطبخي 1284399383

نرصها حول الطبق ونحط فوق كل واحده طماطمايه شيري

* تزيين الاطباق باشكال سهله.. من ارض الواقع اللي هو مطبخي 1284398348

2- شكل الشجره
نقطع خطوط طوليه هانلاقيها نفشت واتفتحت وبقت زي الشجره

* تزيين الاطباق باشكال سهله.. من ارض الواقع اللي هو مطبخي 1284399500

نزين بيها مع شرايح اللمون ووردات الطماطم زي كده

* تزيين الاطباق باشكال سهله.. من ارض الواقع اللي هو مطبخي 1284397757

3- شجره الكريسماس

المره دي هانعمل الاخدود بره بس بالعرض ونقطع شرايح بس شرايح بالطول

* تزيين الاطباق باشكال سهله.. من ارض الواقع اللي هو مطبخي 1284399446

نزين بيها مع وردات طماطم

* تزيين الاطباق باشكال سهله.. من ارض الواقع اللي هو مطبخي 1284398114

R]

4- قطاعات البسكوت بكل اشكالها ممتازه جدا في التزيين
نقطع جزر وبطاطس وكمان لو في بنجر بيبقي حلو قوي ولونه يجنن
نقطعهم حلقات ونسلقهم نص سلقه
ونقطع الحلقات دي بقطاعه البسكويت علي شكل قلب او نجمه او ورده او ا شكل متوفر عندنا
زي كده

* تزيين الاطباق باشكال سهله.. من ارض الواقع اللي هو مطبخي 13023100578503

* تزيين الاطباق باشكال سهله.. من ارض الواقع اللي هو مطبخي 180477rmt2efjwyl

* تزيين الاطباق باشكال سهله.. من ارض الواقع اللي هو مطبخي 1287164340

ثااااااااااااالثا اشكال الطماطم

1- نقطع الطماطمايه اربع ارباع

* تزيين الاطباق باشكال سهله.. من ارض الواقع اللي هو مطبخي 13023080951027

نعمل خطوط بالميل وخطوط تانيه عكسها
بس ناخد بالنا مانوصلش للقشره علشان ماتتقطعش
ونفس الطريقه بتستخدم في تزيين المانجه اللي بنلاقيها علي التورتات الجاهزه

* تزيين الاطباق باشكال سهله.. من ارض الواقع اللي هو مطبخي 13023081483707

عند التقديم نزين بيها باي شكل وده مثال
نرصها بالشكل ده ونحط في النص زتونه

* تزيين الاطباق باشكال سهله.. من ارض الواقع اللي هو مطبخي 13023082051451

2- ورده الطماطم

طبعا سهله بتتعمل من قشر الطماطم
تقشري الطماطمايه بحيث ان القشره تبقي كلها حته واحده متصله
وتتلف حوالين بعضها ونحط في النص زتونه بالشكل ده

* تزيين الاطباق باشكال سهله.. من ارض الواقع اللي هو مطبخي 13023083432732

3- الاداه دي كمان ضمن المجموعه اللي عندي

* تزيين الاطباق باشكال سهله.. من ارض الواقع اللي هو مطبخي 1284399135

بتعمل الطماطم الورده

* تزيين الاطباق باشكال سهله.. من ارض الواقع اللي هو مطبخي 1284399163

طبعا دي مش ضروريه خالص لان البديل سهل جدا
انك تعملي شقوق في منتصف الطماطمايه بالميل وخطوط تانيه عكسها بحيث تبقي سبعات وتمانيات

* تزيين الاطباق باشكال سهله.. من ارض الواقع اللي هو مطبخي 1284398551

افكار تزيين متفرقه
1- لتزيين اطباق الرز بشكل جميل
نحط الرز في قالب الكيك المجوف من النص ونكبسه كويس وممكن في قوالب الكريم كرامل لو عاوزينه اندفيدوال
ونقلبه علي طبق مسطح وممكن نرشه مكسرات لو امكن

* تزيين الاطباق باشكال سهله.. من ارض الواقع اللي هو مطبخي 1284397403

2- حتي الفته والله بازينها واقدمها بشكل حلو

* تزيين الاطباق باشكال سهله.. من ارض الواقع اللي هو مطبخي 13023095983461

* تزيين الاطباق باشكال سهله.. من ارض الواقع اللي هو مطبخي 13023097142402

3- لتزيين اطباق السلطات السايله زي سلطه الطحينه او الزبادي
نحطها في طبق مسطح
ونعمل دواير بالكاتشاب

* تزيين الاطباق باشكال سهله.. من ارض الواقع اللي هو مطبخي 13023093937655

ونعمل خطوط بالسكينه وعكسها

* تزيين الاطباق باشكال سهله.. من ارض الواقع اللي هو مطبخي 13023094419579

هاتدينا الشكل ده

* تزيين الاطباق باشكال سهله.. من ارض الواقع اللي هو مطبخي 13023094904009

او نعمل نقط بالكاتشاب او الهوت صوص
ونعمل فيها تموجات بالشوكه او السكينه زي كده

* تزيين الاطباق باشكال سهله.. من ارض الواقع اللي هو مطبخي 13023123275326

4- لتقديم الفروت سالاد بشكل حلو قوي
نحطها في كاسات واسعه شويه ونرص داير مايدور الكاس من الجناب بشرايح الكيوي
وفوقها بوله ايس كريم ونقطع شرايح تفاح علي الجنب ونحط في النص كريزه ورشه مكسرات علي الوش

* تزيين الاطباق باشكال سهله.. من ارض الواقع اللي هو مطبخي 1284399804

5- ده طبق بتيفور انا اللي عاملاه

* تزيين الاطباق باشكال سهله.. من ارض الواقع اللي هو مطبخي 1283443907

التفاصيل وطريقه التزيين في الموضوع الاصلي

http://forums.fatakat.com/thread855165

تم الموضوع بحمد الله

* تزيين الاطباق باشكال سهله.. من ارض الواقع اللي هو مطبخي 1341968031342307217

باي باي يا حلوين اشوفكم الموضوع الجاي بامر الله

» * الفراخ بطريقه سهله ولذيذه من مطبخى بالصور