عايزة تشوفى رسول الله فى المنام تعااااااااااااالى قواااااااااااااااام (حبيبى يا رسول الله )

نفسك تشوف النبي فى المنام؟؟


طبعا..

دى امنية حياتي..


طيب تعالى شوف الوصفه السحريه والمجربه والأكيده 100 % دى ..



واحد زينا كده راح لاحد الشيوخ وقاله :
انا امنية حياتي انى اشوف الرسول فى المنام ..

وحاولت كتيييير..ولكن مفيش فايده!!

الشيخ قاله:

انا عندى ليك وصفه اكيده وانا مجربها شخصيا..


قول يا شيخ بسرعه..


انت تجي الاول تتعشى معايا انهارده وبعدين نتكلم..

ماشى

راح الشيخ اتعشى هو ومراته قبل ما الراجل يوصل..
وقال الشيخ لمراته جهزيه للراجل العشا ولكن زودى فيه الملح على الاااااخر..

وصل الراجل عند الشيخ..

قدمه الشيخ الاكل..

قعد ياكل لوحده..بس الاكل مملح جداااااا..لما خلص طلب من الشيخ ميه..

الشيخ قاله :

مفيش ميه دلوقتى..لما نصحى الفجر ان شاء الله نشرب من الجامع..


راح كل واحد نام ..

لما صحيوا الفجر..


سأل الشيخ الراجل

: حلمت بايه بقى انهارده؟؟


قاله الراجل:

انت بتسألنى حلمت بايه؟؟

ده انا حلمت ببحار وانهار وشلالات وترع وسواقى وجميع اشكال الميه اللى تتخيلها..


قاله الشيخ: صدقت محبتك للماء..فصدقت رؤيتك..!




ولو صدق حبك للنبي..لصدقت رؤيتك له






يعنى فعلا يا جماعه..لو حب النبي شاغلنا ..لازم هتشوفه ..

ده الواحدة لو بتحب واحد بتقعد تحلم بيه وهى صاحية وهى نايمة!!

انما مشكلتنا اننا بندعى حب النبي..

حب كاذب يعني..

يعنى لما الواحد يقول انا بحب النبي وهو اصلا ما يعرفش النبي اسمه ايه رباعي!!

لما واحده تدعى محبة النبي وهى متعرفش اسماء زوجاته ولا حتى عددهم!!

لما يا جماعه منعرفش شكل النبي....واخلاق النبي..!!

لما تكون تعاملتنا غير تعاملات النبي..!!

لما نكون بنفتكر اى حد الا هو بننسى نصلى عليه صلى الله عليه وسلم..

عملت ايه علشان تثبت ان انت بتحبه؟؟

عملتى ايه علشان تثبتى ان انتى بتحبيه؟

عملنا ايه علشان نستاهل شفاعته يوم القيامه؟؟!!!



اللهم رزقنا حب الحبيب
وشفاعته يوم القيامة
صلى الله عليه وسلم
(حبيبى يا رسول الله حبيبى يا محمد)